سخر الكاتب الصحفي محمود خليل، من دعوات الانتقام التي انتشرت على مواقع التواصل الاجتماعي، بحق العقيد نشوى محمود، إحدى قيادات الشرطة النسائية، عقب قيامها بضرب أحد المتحرشين في منطقة وسط البلد، قائلًا: "نعم هي دعوة للتحريض ضد العقيد نشوى محمود الضابطة بإدارة مكافحة العنف ضد المرأة.. الست اللي صورها غرقت مصر كلها عشان قبضت على واحد متحرش قدام سينما "مترو"، و"رنته" علقة محترمة علشان فكر بس يمد إيده على جسم بنت".
وتابع: "اقتلوها علشان إحنا بلد غاوي تحرش.. بلد البنت فيه مجرد سلعة.. مزة.. مكنة.. قول اللي أنت عايز تقوله، ولما تتزنق قول: "هي السبب حد قالها تمشي في الشارع.. إحنا شباب برضو والبنت بتثيرنا بلبسها وحركاتها"، اقتلوها وسيبوا البنات تمشي في الشارع خايفة وبتتعرض لجريمة إرهاب كاملة ضد جسدها".
واختتم في مقاله بصحيفة "الوطن": "اقتلوها علشان بتوصف التحرش بأنه نوع من محاولات وقف طموح المرأة وإحباطها، اقتلوها علشان كسرت يد المتحرشين في العيد، وخلت كل واحد منهم "يتلم" ويبعد إيده عن جسم البنت اللي ماشية في الشارع".
الصحف 